އެމެރިކާގެ ކުރީގެ ރައީސް ޑޮނަލްޑް ޓްރަމްޕުގެ ކެމްޕެއިން ރެލީއެއްގައި ބަޑި ޖެހުމުން ޒަހަމްވުމާ އެކު ސީކްރެޓް ސާވިސްގެ އެޖެންޓުން ޓްރަމްޕް ސްޓޭޖުން ބާލައިގެން ގެންދަނީ. -- ފޮޓޯ: އޭއެފްޕީ
14 ޖުލައި 2024 - 06:50
އެމެރިކާގެ ކުރީގެ ރައީސް ޑޮނަލްޑް ޓްރަމްޕް ރިޔާސީ އިންތިހާބުގެ ކެމްޕެއިންގައި ހޮނިހިރު ދުވަހު ބޭއްވި އެއްވުމެއްގެ ތެރޭ މީހަކު ބަޑިން ހަމަލާދޭން މަސައްކަތްކޮށްފި އެވެ.
އުމުރުން 78 އަހަރުގެ ޓްރަމްޕް ޕެންސިލްވޭނިއާގައި ބޭއްވި އެއްވުމެއްގައި ބަޑިން ހަމަލާދޭން މަސައްކަތްކުރީ އޭނާ ޕޯޑިއަމްގައި ވާހަކަ ދައްކަން ހުންނަވަނިކޮށެވެ.
ރަސްމީ އިދާރާތަކުން ބުނީ މި ހާދިސާ ތަހުގީގުކުރަމުން ގެންދަނީ ޓްރަމްޕް އަވަހާރަކޮށްލަން އުޅުނު މައްސަލައެއްގެ ގޮތުގައި ކަމަށެވެ.
ބަޑީގެ އަޑުފައްގަނޑާ އެކު ޓްރަމްޕް އޭނާގެ ކަނާތްފަރާތު ކަންފަތް މަތީ އަތް އެޅުއްވި އެވެ. އެއާ އެކު މޫނުމަތީގައި ލޭ ހުއްޓާ ފެނުނެވެ.
ސީކްރެޓް ސާވިސްގެ އެޖެންޓުން ހަމަ އެވަގުތު ސްޓޭޖަށް އަރައި ޓްރަމްޕް ވަށާލުމަށް ފަހު ހަރުކަށިކަމާ އެކު ޓްރަމްޕް ސްޓޭޖުން ބާލައިގެން ގެންދިޔަ އެވެ. އޭރު ވެސް ޓްރަމްޕް ގޮށްމުއްކަވައިގެ ހުންނަވައި މައްޗަށް އަތް ހިއްލަވައި، އޭނާ ހުންނެވީ ގަދަ ހިތްވަރުގައި ކަމުގެ ނިޝާން ދައްކާލި އެވެ.
އެމެރިކާގެ ކުރީގެ ރައީސް ޑޮނަލްޑް ޓްރަމްޕުގެ ކެމްޕެއިން ރެލީއެއްގައި ބަޑި ޖެހުމުން ޒަހަމްވުމާ އެކު ސީކްރެޓް ސާވިސްގެ އެޖެންޓުން ޓްރަމްޕް ސްޓޭޖުން ބާލައިގެން ގެންދާއިރު އަތުން ހިތްވަރުގެ ނިޝާން ދައްކާލަނީ. -- ފޮޓޯ: އޭއެފްޕީ
އެމެރިކާގެ ނޫސްތަކުން ބުނި ގޮތުގައި ހަމަލާ ދިން ކަމަށް ތުހުމަތުކުރެވޭ މީހާ ވަނީ މަރާލައިފަ އެވެ. އަދި ހަމަލާއާ ގުޅުމެއް ނެތް އެހެން މީހަކު ވެސް އޭނާއަށް ހަމަލާ ދިނުމުގެ ތެރޭގައި މަރުވެފައިވާ ކަމަށް ބުންޏެވެ.
"ކުރީގެ ރައީސް ހުންނެވީ ސަލާމަތުން،" ސީކްރެޓް ސާވިސް އިން އެކްސްގައި ކުރި ޕޯސްޓެއްގައި ބުންޏެވެ.
ރިޕަބްލިކަންގެ ކެންޑިޑޭޓް ޓްރަމްޕްގެ ކެމްޕެއިނުން ވެސް ބުނީ ސިއްހީ ގޮތުން ބަލަންޖެހޭ ކަންކަން ބަލަމުން އަންނަ ކަމަށާއި ޓްރަމްޕް ހުންނެވީ ހެޔޮ ހާލުގައި ކަމަށެވެ. އަދި މި އަނިޔާވެރި އަމަލުގެ ވަގުތު ތަންފީޒީ އިދާރާތަކުން މަސައްކަތްކުރި ހަލުވިކަމާއި ފުރިހަމަކަމަށް ޓްރަމްޕް ޝުކުރު އަދާކުރައްވާ ކަމަށް ވެސް ބުންޏެވެ.
Ex-US president Donald Trump appeared to be bleeding from his ear as he was escorted off stage after gunshots were heard at a rally in Pennsylvania. Both the gunman and a rally attendee are dead following the incident, according to the Butler County district attorney. pic.twitter.com/7z0Jvhb9cG
— Al Jazeera English (@AJEnglish) July 13, 2024
މި ހަމަލާ ދީފައި މި ވަނީ މިހާރުގެ ރައީސް ޖޯ ބައިޑެންގެ ސިއްހީ ހާލުކޮޅާ ހެދި އޭނާ ރިޔާސީ ރޭހުން ވަކިވެވަޑައިގަތުމަށް ޕްރެޝަރު ބޮޑުވެފައި ވަނިކޮށެވެ. ހަމަލާއަށް ފަހު ބައިޑެން ވިދާޅުވީ މިފަދަ އަނިޔާވެރި އަމަލުތަކަށް އެމެރިކާގައި ޖާގައެއް ނޯންނާނެ ކަމަށެވެ.
"ޓްރަމްޕް ސަލާމަތުން ހުންނެވީތީ އުފާކުރަން،" ބައިޑެން ނެރުއްވި ބަޔާނުގައި ވިދާޅުވި އެވެ. "ޓްރަމްޕާއި އޭނާގެ އާއިލާ އާއި ރެލީގައި ތިބި އެންމެންނަށް ވެސް އަޅުގަނޑުގެ ހެޔޮ ދުއާތައް ފޮނުވަން އަދި ޓްރަމްޕަށް އަވަސް ޝިފާއަކަށް އެދެން."
ބައިޑެންގެ ބަޔާން އޭނާ ވަނީ ޓީވީ މެދުވެރިކޮށް ވެސް ދެއްވައިފަ އެވެ. ގޭގައި ހުންނަވައި ދެއްވި ބަޔާނުގައި ވިދާޅުވީ މިކަހަލަ އަމަލުތައް ހިންގައިގެން ނުވާނެ ކަމަށެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ސުޕް
14 July 2024
ޓްރަމްޕް ގަޔަށް ބަޑިޖެހި މީހާ މަރާލި މީހަކު ބަލަން އެންމެ ޝައުގުވެރިކަން ހުރީ. އޭނާ ބަޑިަޖަހަން އޮތް ތަނުން ނުތެދުވެ އޮއްވާ އޭނަ މަރާލާނީ ހާދަ ކުޅަދާނަ މީހެކޭ.
މާހިރު
14 July 2024
ކަންފަތުގަ ކޭތިލާފަ ދިޔަ ވަޒަނެއް ޓްރަންޕުގެ ފުރަގަހުގައި ތިބި މީހުންގެ ގަޔަށް ނޭރީ ކީއްވެ؟ އަނެއްކާ ސްޓަންޓެއް ނޫންބާ؟
ސެމި
15 July 2024
ބަލަ ހަބަރު ރަގަޅަށްބެލިނަމަ އިނގޭނެ ފުރަގަހުގަ އިން އެކަކު މަރުވެ ދެތިންމީހަކަށް ޒަހަމްތަކެއް ލިބުނުކަން. ބޮޑުވަރުދެން
ކާހިނު
15 July 2024
ތިހާ ރަހުމް ކުޑަވާކަށް ނުވާނެ، އެގެން ވަޒަނަކުން ވަނީ އެތަނަށް ގޮސް ހުރި މީހަކު ނިޔާވެފަ.
ބަޑި ޑިމޮކްރެސީ
14 July 2024
މީތަ މި ނުގެނެވިގެން އުޅޭ ޑިމޮކްރެސީއަކީ
raajje
14 July 2024
ހަމަލާދިންމީހާ މަރާލީއެވެ، ތަހުގީގުކުރާކަށްނުޖެހޭނެއެވެ، ތިޔަކަންކުރިބަޔަކުވެސް ހޯދާކަށްނުޖެހޭނެތާ! ސެކިއުރިޓީ އެންމެމޮޅުކަމަށްބުނާ އެންމެ ޑިމޮކުރެސީދަންނަމީހުންގެ ފެންވަރުތިޔަހުރީ ހުރިގޮތް، ޓުރަންޕު މަރުވިނަމަ ހުރިހާފައިދާއެއްކުރާނީ ބައިޑަނަށް، ވީމާ މީނާގެ އަތެއްމިކަމުގައިވާނެކަމަށް ބެލުމުގެފުރުސަތުއެބަލިބޭ! ތަހުގީގުނުކުރަންވެގެން ބަޑިޖެހިމީހާ މަރާލީ ނުވަތަ މަރުވިކަމަށްބުނަނީ! ނަމަވެސް ތަހުގީގުކުރާކަމަށް ދުނިޔެއަށްދަށްކަން ޑުރާމާއެއްކުޅޭނެ
މުޑަހަންޖާ
14 July 2024
ހަނދަށްދިޔަކަމަށް ކިޔައިގެންވެސް އަޑުއެރުވި. މިފަހަރުމިއޮތީ ކަންފަތު ފޫޅަށް ބަޑިޖަހައިފިއޭ. ޓޮމާޓޯސޯސް ފުޅިއެއް ތިތަނުން ނުފެނޭބާ.
ވެލާނާސަރީ
14 July 2024
ހަނދަށް ނުދެއޭތަ ތިޔަބުނަނީ؟ ތިޔަހާ ދަންދޮރު ނޭނގޭ މީހެއް ކަމެއް ކުރިއަކުން ނޭނގޭ.
ސެމި
15 July 2024
ޓޮމާޓޯފުޅިއަކާހެދި ދޯ އެތާހުރި މީހަކުމަރުވެ ދެެތިންމީހަކު ޒަހަމްވީ؟
މޮރީސާ
14 July 2024
އެމެރިކާ ގައި ދާޙިލީ ހަގުރާމައެއް ފެށުމުގެ ކޮޅުމަތި އެ ފެއްނަން ފެށީ.
ތެދެކޭ
14 July 2024
ތީ ޒިމޮކުރަސީގަ ކަންކަން ކުރާގޮތް. ޕޮޕިއުލަރިޓީ ދައް މީހާ އަނެއްމީހާ ދުއްވާލާނީ ހެދުނުއެއްޗެއް ހަދާފަ. އެއެއްޗެއްނުންތަ ފައްކާ ކުރަން މިތާވެސް ފޫގަޅާފަ މިތިބީ.
ދަގަތްފާނު
14 July 2024
ބާޑްން ހުރީ މިކަމާ ވަރަށް ހިތްހަމަނުޖެހިފަ.
އައިމިނާ
14 July 2024
މި ގައުމުގަ ޕާޓީސިސްޓަމް ގެނައީމަ މި ފެންނަނީ އެއްބަޔަކު އަނެއްބަޔަކަށް އެއްޗެތި ކިއުމާ ފުރައްސާރަ ކުރުމާއި ނެތިމޮށޭތަން. ރައްޔިތުންނަށް އޮތް ހިތްހަމަ ޖެހުމަކީ ކޮބާ؟ ކުރީގަ ރައީސް މައުމޫނުގެ ވެރިކަން މާބޮޑަށްވެސް ހިތްގައިމު.
އާޕިސްސ
14 July 2024
އައިމިނަ އާ ތިއާއިލާ އައް ފާގަތިކަމުގާ އުޅެވުނު ކަމުގާދެކެން. އަހަރަމެންއަށް ތައުލީމީ ފުރުސަތުވެސް ވަރައްލިމިޓު. މިއަދު މަގޭދަރިއާ މައުމޫނުގެ ކާފަދަރިން އަށް ފުރުސަތުތައް ހުންނާނީ އެއްވަރައް. އަހަރަމެން ރަށްފުށުގެ އަހުލުވެރިން އައްވެސް މިހާރު ކަންކަމައް އުއްމީދފުކުރެވޭ.
ޢަލީ ކުރުސީ
14 July 2024
ޓްރަންޕަށް ހެޔޮ އެދިގެން އުޅޭ ދިވެހިންވެސް މަދެއްނޫން. ޓްރަމްޕް ވަނީ ހޮވިއްޖެއްޔާ ޔަހޫދީން ބޭނުންގޮތަކަށް ފަލަސްތީނުގައި ހަރަކާތްތެރިވާން ހުއްދަ ދޭނެކަމަށް ބުނެފަ! ހިފާފައިވާ ބިންތަކުގައި ޔަހޫދީން ވަޒަންވެރި ކުރުވާ ބޮޑު މަޝްރޫއު ފެށީވެސް އޭނާ! އެމެރިކާގައި ކޮންމެ ރައީސެެއްް ހުއްޓަސް މުސްލިމުންނަށް ފައިދާއެއް ނުކުރާނެ! އެމީހުން ކިޔަމަންވާނީ ޔަހޫދީންނަށް!