ޕީއެންސީ ހަރުގޭގައި ބޭއްވި ޖަލްސާގައި ފެނަކަ ކޯޕަރޭޝަނުގެ މެނޭޖިން ޑިރެކްޓަރު މުއާޒު މުހައްމަދު ރަޝީދު ވާހަކަ ދައްކަވަނީ.-- ފޮޓޯ: ޕީއެންސީ
15 ޖުލައި 2024 - 12:08
10 comments
އެމްޑީޕީގެ ސަރުކާރުގައި ފެނަކަ ދަރުވާލާފައި އޮތް ވަރު އަންދާޒާކުރި ވަރަށް ވުރެ މަތި ކަމަށާއި މިހާތަނަށް ލިއުންތަކުން ސާފުވި އަދަދު 4.3 ބިލިއަން ރުފިޔާއަށް ވުރެ އިތުރު ކަމަށް ކުންފުނީގެ މެނޭޖިން ޑިރެކްޓަރު މުއާޒް ރަޝީދު ރޭ ވިދާޅުވެއްޖެ އެވެ.
ސަރުކާރު ހިންގާ ޕާޓީ، ޕީއެންސީގެ ހަރުގޭގައި ރޭ ބޭއްވި ޖަލްސާގައި މުއާޒް ވިދާޅުވީ އެމްޑީޕީގެ ސަރުކާރުގެ ދަރަނީގެ އަދަދުތައް އެނގުނީ ރައީސް ޑރ. މުހައްމަދު މުއިއްޒު ވެރިކަމާ ހަވާލުވެވަޑައިގެންނެވި ފަހުން ކަމަށެވެ. ހަގީގީ ހާލަތު ހާމަވި އިރު، އޮޑިޓް ރިޕޯޓުގައި ހުރި ވަރަށް ވުރެ މާބޮޑަށް ދަރުވާލާފައިވާ ކަމަށް ވިދާޅުވި އެވެ.
މިދިޔަ ސަރުކާރު ނިމުނުއިރު ފެނަކައިގެ ދަރަނިި ހުރީ އޮޑިޓް ރިޕޯޓުގައިވާ ގޮތުން 4.3 ބިލިއަން ރުފިޔާގަ އެވެ.
މުއާޒް ވިދާޅުވި ގޮތުގައި ޕީއެންސީން ވެރިކަމާ ހަވާލުވެ ފެނަކައިގެ ހާލަތު ބެލިއިރު، މަސައްކަތް ކުރުވުމަށް ފަހު ނުދައްކާ ބިލްތައް ފުނިޖެހިފައި ހުއްޓެވެ. އަދި މަސައްކަތް ހަވާލުކޮށް ރެކޯޑު ނުކުރާ ބިލްތައް ހުރި ކަމަށް ވެސް ވިދާޅުވި އެވެ.
"މި މަސައްކަތްތަކެއް ނެތް ރެކޯޑު ކޮށްފައެއް. އަޅުގަނޑުމެން މިދިޔަ ހަފްތާ ބަންދުގައި މި ދިޔައީ ރ. އަތޮޅަށް. ކޮންމެ ރަށަކުން ވެސް ބަނދަރު މަތިން ކޮންމެވެސް މީހަކު އައިސް އެބަ ބުނޭ މިއީ އަޅުގަނޑުމެން ކޮށްފައި ހުރި މަސައްކަތުގެ ބިލޭ. މި ބިލަށްވާ ފައިސާ ނުދީއޭ ހުރީ. 2021، 2022، 2023ގައި ކޮށްފައި ހުރި މަސައްކަތުގެ ފައިސާ. މިއިން އެއްވެސް ކަމެއް ފެނަކައިގެ ފޮތެއްގައި ވެސް ނެތީ،" އޭނާ ވިދާޅުވި އެވެ.
ޕީއެންސީ ހަރުގޭގައި ބޭއްވި ޖަލްސާގައި ފެނަކަ ކޯޕަރޭޝަނުގެ މެނޭޖިން ޑިރެކްޓަރު މުއާޒު މުހައްމަދު ރަޝީދު ވާހަކަ ދައްކަވަނީ.-- ފޮޓޯ | ޕީއެންސީ
މުއާޒް ވިދާޅުވި ގޮތުގައި އޭނާ މަގާމާ ހަވާލުވެވަޑައިގަތް އިރު، އެކި މީހުން ލައްވައި ކުރުވާފައި ހުރި މަސައްކަތްތަކަށް 1.7 މިލިއަން ރުފިޔާ ދައްކަން ޖެހިފައި އޮތެވެ. އޭގެ ތެރެއިން 300 މިލިއަން ރުފިޔާ މިދިޔަ ހަތް މަސް ތެރޭގައި ދޫކޮށްފައިވާ ކަމަށް ވިދާޅުވި އެވެ.
އޭނާ ވިދާޅުވީ ފެނަކައަށް ގެއްލުންވާ ގޮތަށް އެމްޑީޕީ ސަރުކާރުން ފަށާފައިވާ އެއްވެސް މަޝްރޫއެއް ކުރިއަށް ނުގެންދަން މިހާރު ނިންމައި އެކަން ކަމާ ގުޅުން ހުރި އިދާރާތަކަށް ވެސް އަންގާފައިވާ ކަމަށެވެ. އޭގެތެރެއިން މިސާލެއްގެ ގޮތުގައި އޭނާ ދެއްކެވީ ނުއަގުގައި ފެނަކަ މެދުވެރިކޮށް އިމާރާތް ކުރުމަށް ހަވާލުކޮށްފައިވާ 48 އޭޓީއެމްގެ މަސައްކަތެވެ.
ފެނަކައަށް ނުކުރެވޭނެ ވަރަށް ގިނަ މަސައްކަތްތަކެއް ކުންފުންޏާ ހަވާލުކޮށްފައިވާ ކަމަށާއި ފިޝަރީޒް މިނިސްޓްރީން ފެނަކަ މެދުވެރިކޮށް ނުވަ އައިސް ޕްލާންޓް އަޅަން ވެސް ހަވާލުކޮށްފައިވާ ކަމަށް ވެސް އޭނާ ވިދާޅުވި އެވެ.
މުއާޒް ވިދާޅުވި ގޮތުގައި އެ މަޝްރޫއު ވެސް ހަވާލުކުރީ އަގަށް ވުރެ އިތުރަށް ފެނަކައިން ހަރަދުކުރާ ގޮތަށެވެ.
ޕީއެންސީގެ ހަރުގޭގައި ބޭއްވި ޖަލްސާގައި އެ ޕާޓީގެ އިސް ލީޑަރުން ބައިވެރިވެވަޑައިގަންނަވަނީ. -- ފޮޓޯ: ޕީއެންސީ
"ނުވަ އައިސްޕްލާންޓާ އަޅަން ފެނަކައާ ހަވާލުކޮށްފައި އޮތީ 4.9 މިލިއަން ރުފިޔާއަށް. ވަރަށް ކުޑަ އަގެއްގައި. އެއަށްވުރެ މާ ގިނައިން ހަރަދުވެއްޖެ [ފެނަކައިން]. އަޅުގަނޑުމެން އަންގައިފިން އިކޮނޮމިކް މިނިސްޓްރީއަށް، އެގްރިމެންޓް ބާތިލް ކުރަން ބޭނުމޭ،" އޭނާ ވިދާޅުވި އެވެ.
"އައިސްޕްލާންޓްތައް، ފިޝަރީޒް މިނިސްޓްރީއަށް ވެސް އަޅުގަނޑުމެން އަންގައިފިން. ހަވާލު ކޮށްފައި ހުރި އައިސްޕްލާންޓްތައް ދެން އަޅުގަނޑުމެން ކުރިއަކަށް ނުގެންދާނަމޭ. އެއީ އަޅުގަނޑުމެން މިއީ ކޮންސްޓްރަކްޝަން ކުންފުންޏެއް ނޫނޭ."
ފެނަކަ އޮތް ހާލަތު ސިފަކޮށްދެއްވައި މުއާޒް ވިދާޅުވީ ރައްޔިތުންގެ ޓެކްސް ފައިސާއިން އެމްޑީޕީން ވެފައި ހުރި ހިޔާނާތްތައް ފެންނަން ހުރި ކަމަށެވެ. އެމްޑީޕީގެ ވެރިކަމުގައި ފެނަކަ މެދުވެރިކޮށް ހިންގާފައި ހުރި ހިޔާނާތްތައް ވީހާވެސް އަވަހަށް ބަލައި ފިޔަވަޅު އަޅަން ވެސް މުއާޒް ގޮވާލެއްވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޓްރައިއަގެއިން
15 July 2024
އެހެންތިބެލާފައި ޕާޓީކުދިންގެ ޖޯޝު އިތުރުކޮށްލަންވީމައި މިކިޔަނީ ފެނަކައޭ، އެޗްޑީސީ އޭ، ދަރަންޏޭ، ދަރައޭ، އެސަރުކާރޭ މިސަރުކާރޭ އެއެކޭ މިއެކޭ. ތިލަވަތައް ހުއްޓާލަން ވެއްޖެއެއްނު. ތަހުޒީބު މީހުން ކަންކުރާގޮތަކީ މައްސަލައެއް އޮތިއްޔާ ތަހުގީގީ އިދާރާތަކައް ހުށަހެޅުން. ތަހުގީގުކޮށް ނިންމާފައި އެތަންތަނުން އެމައްސަލަތަކައް ދައުވާކުރާނެ. ރާނައި ސިމެންތިޖަހަންވެސް ހަވާލުވީ އޭރު ތިކުންފުނީގައި ތިބިމީހުންދޯ. ކުރީސަރުކާރުންނެއް ނޫންތާ!
ބޭބެ4
15 July 2024
ލާރިގަނޑު ކައިލައިފަ އޮތިއްޔާ އަވަހަށް ފިޔަވަޅު އަޅާ. އަހަރެމެން ރަށު ނަރުދަމާ ނިންމައިދީބަލަ. މީ ފެނަކަޔާ ހަވާލުކޮށްފަ އޮތަ ރަށެއް. މީހުންގެ ވާހަކަ ދައްކަން ވަގުތު ދުއްވާނުލާ ކަމާ ބެހޭ ފަރާތްތަކާ އެކަން ބަލަން ހަވާލުކޮށްފަ ކަންކަން ކުރަން އުޅެބަލަ. ކޮންމެސް ނަރުވައެއް ދަމަން ނުހަދާ މަސައްކަތް ފަށާބަލަ. ގެނަ ހުރިހާ ހޮޅިތައް މިހިރީ އަތިރިމަތީ ހުރި ގަސްތައްދަށު. ފޮނި ނުކަނޑާ މީހުންގެ ކަންކަމާކަލޭ ނޫޅެ މަސައްކަތް ފަށާބަލަ.
އޮނަރަބްލް އަފީފު ދީދީ
15 July 2024
މަތީގައިދެންނެވި ބަދަލުގެނެސް "ފެނަކަ ވައްކަމުން ދައުލަތަށްލިބޭ ގެއްލުން ކުޑަކުރުނަށާއި، ރާއްޖޭގެ ހުރިހާ ސިޓީތަކެއްގެ ކަރަންޓަކީ އިތުބާރުހުރި ހިދުމަތަކަށް ހެދުމަށްޓަކާ" ކ.މާލޭގެއިތުރުން ކުޅުދުއްފުށި، ތިނަދޫ، ފުވައްމުލައް އަދި އައްޑޫސިޓީގެ (ފަހުން ހަނިމާދުއާއި ލ.ގުޅިފައިވާ ރަށްތައް އިތުރު ކުރެވިދާނެ) ކަރަންޓްގެ އެންމެހާކަންކަން STELCO އަށް އަދި ބޯފެނާއި ނަރުދަމާގެހިދުމަތް MWSC އާއި ޙަވާލުކޮށް ސިޓީތަކުގެ އަސާސީހިދުމަތުގެ އިތުބާރު ޤާއިމްކުރަންޖެހޭ
އޮނަރަބްލް އަފީފު ދީދީ
15 July 2024
މިދެންނެވި ބަދަލުތައް ގެނައުމަށް އައްޑޫސިޓީއާއި ފުވައްމުލައް، ތިނަދޫ އަދި ކުޅުދުއްފުށީގެ ކަރަންޓްގެ ހިދުމަތް ސްޓެލްކޯއާއި ޙަވާލު ކުރުމުން މިރަށްތަކުން މިހާރު ފައިދާގެ ގޮތުގައި ފެނަކައަށްލިބޭ އާމްދަނީއާއި އެއްވަރުއެއްޗެއް ކުރިއަށްއޮތް 15 އަހަރު ސްޓެލްކޯގެ ފަރާތުން (ނުވަތަ ދައުލަތުން ސަބްސިޑައިޒް ކުރަން ޖެހުނު ކަމުގައިވިޔަސް) ދޭން ޖެހުނު ކަމަށްވިޔަސް މިސިޓީތަކުގެ ކަރަންޓްގެހާލަތު ބަދަލުކޮށްފިނަމަ ދައުލަތަށްލިބޭ އާމްދަނީ އެތައްތަނެއް އުފުލިގެންދާނެ.
މިދިޔަ ސަރުކާރު
15 July 2024
މިސޮރާ ހަވާލުވެފެ މިއޮތީ މިދިޔަ ސަރުކާރާ. މިއީ މިމީހުން އަނބުރަން އުޅޭ ގޭސްގަނޑެއް. ބަނދަރުމަތީ ހުއްޓާ މީހަކު އައިސް ފެނަކައިން ބުނެގެން ޖުޕިޓާގައި ތިމަންނަ ނަރުދަމާ އަޅައިފީމޭ 4.3 ބިލިއަން ޑޮލަރަށް ބުންޏަސް އެއީ ފެނަކަ ދަރާއޮތް އެއްޗަކަށް ނުވާނެ. ލިޔެކިޔުން ނެތި މަސައްކަތްކޮށްގެން ނުވާނެ. ތިހެން ބަލަންޏާ މަވެސް ވެއްޖެ މިދިޔަ ސަރުކާރަށް 62ބ. ރ ގެ ކާއްޓާއި 35ބ. ރ ގެ ވަޅޯމަހާއި 103ބިލިއަން ރުފިޔާގެ ކަދުރު ވިއްކާފަ. މި އަދަދުތައްވެސް ހިމަނާތި
ސެކިއުރިޓީއާ
15 July 2024
ކުރީ ސަރުކާރު ' މިދިޔަ ސަރުކާރު ' އޭރު ސަރުކާރު ' ފާއިތުވީ ސަރުކާރު ' އެވޭލާ ސަރުކާރު ' މިހާރު މި އޮތީ ވާ ސަރުކާރެއް.
ކުނޑިކުޑީ
15 July 2024
އަބަދު ތިޔަ ކަހަލަ ވާހަކަ ދެއްކެންޏާ ނޭނގި ނަމަވެސް އެކަހަލަ ކަންކަން ކުރެވެން ފަށާފާނެ އިނގޭ. އަމިއްލަ އަށްވެސް ވިސްނައިގެން އުޅުން ރަނގަޅުވާނީ
ފެނަކަ އުވާލަންޖެހޭ
15 July 2024
ފެނަކައަކީ އުވާލަންޖެހޭ ކުންފުންޏެއް! އިތުރު ޔޫޓިލިޓީ ކުންފުނިތަކެއް އުފައްދައި، ގާނޫނު އަސާސީގައި ލިޔެވިފައިވާގޮތައް، ކައުންސިލްތަކަށް ޔޫޓިލިޓީ ހިދުމަތް ދިނުމަށް ސަރުކާރުން ދޫކޮށްލަންޖެހޭ!،. މިހާރުވެސް ސިޓީ ތަކުގައި ޔުޓީލިޓީ ހިދުމަތްދެނީ، ހަމަ ސިޓީތަކުގައި އުޅޭ ޓެކްނިކަލް މުވައްޒަފުން. ފެނަކައިން، މަލޭގައި އޮފީހެއް ކުައްޔަނަގައިގެން، ދައުލަތައް ނުކަތާވަރަށް ދަރަނި ނަގައިގެން ކުރެވުނު ކަމެއް ނެތްތާ، ކަރަންޓާއި ފެނުގެ ހިދުމަތް 24ގަޑި އިރު ނުލިބޭ!
ހިރަފުސް
15 July 2024
ހޯންނނނ ކަންތަކާ ޖެހުނީ ދޯއް މިދިޔަ ސަުރކާރު، މިދިޔަ ސަރުކާރު
ރަބީޚް
15 July 2024
ވެރިކަމަށް އަހަރުވާ އިރުވެސް ސީދާ އަދަދު ނޭންގިފަ؟؟ނޫނީ ކުރިޔަށްއޮތް 5އަހަރު ނިންމާލާނީ ފެނަކަ ދަރަނި ކިޔާލަ ކިޔާލަ..ތިވާހަކަތައް ހުއްޓަން ވެއްޖެއްނު..ކުރީ ސަރުކާރު ދަރުވާލި ބަޔަކުތިބިނަމަ ކަމާއިބެހޭ ފަރާތްތަކަށް ހުށަނާޅާ ދަރަނި ދަރަނި ކިޔަން ނުތިބެ ރައްޔިތުންނަށްވީ ވައުދުތައް ފުއްދަބަލަ.