ފެނަކައާ ހަވާލުކުރި ނަރުދަމާގެ މަޝްރޫއުތައް އޮތީ ހުއްޓިފައި: މުއްތަލިބް

ރައްޔިތުންގެ މަޖިލީހުގެ މިއަދުގެ ޖަލްސާގައި މިނިސްޓަރު މުއްތަލިބް މިއަދު ވާހަކަ ދައްކަވަނީ: ފެނައާ ހަވާލުކުރި މަޝްރޫއުތައް ސަބްކޮންޓްރެކްޓްކޮށް ކުރިއަށް ނުދާ ކަމަށް މިނިސްޓަރު ވިދާޅުވި. -- ފޮޓޯ | މަޖިލިސް

މޫސާ ރަޝީދު، މިހާރު

15 ޖުލައި 2024 - 10:06

5 comments

ރަށްރަށުގައި ނަރުދަމާ އަޅަން ފެނަކަ ކޯޕަރޭޝަނާ ހަވާލުކުރި މަޝްރޫއުތައް މި ވެރިކަން ފެށުނުއިރު ވެސް އޮތީ ހުއްޓިފައި ކަމަށް ކޮންސްޓްރަކްޝަން އެންޑް އިންފްރާސްޓްރަކްޗާ މިނިސްޓަރު ޑރ. އަބްދުﷲ މުއްތަލިބް މިއަދު ވިދާޅުވެއްޖެ އެވެ.

ފެނާއި ނަރުދަމާގެ މަސައްކަތް ހުއްޓިފައި އޮތް މައްސަލާގައި ރައްޔިތުންގެ މަޖިލީހުގައި ބައެއް މެންބަރުންގެ ސުވާލުތަކަށް ޖަވާބުދެއްވަމުން މިނިސްޓަރު ވިދާޅުވީ ފެނާއި ނަރުދަމާގެ މަސައްކަތް އެއްކޮށް ހުއްޓިފައި ހުރީ ފެނަކައާ ހަވާލުކުރި ތަންތަނުގައި ކަމަށެވެ.

ފެނަކަ އަކީ އެއްވެސް އިރެއްގައި ފެނާއި ނަރުދަމާ އެޅުމުގެ ކޮންޓްރެކްޓެއްގެ މަސައްކަތް ކުރި ބައެއް ނޫން ކަމަށާއި އެހެން ނަމަވެސް ކުރީ ސަރުކާރުން 2020 ވަނަ އަހަރު 19 ރަށެއްގައި އެ މަސައްކަތް ކުރަން އެ ކުންފުންޏާ ހަވާލު ކޮށްފައިވާ ކަމަށް މިނިސްޓަރު ވިދާޅުވި އެވެ.

ފެނަކައާ ހަވާލުކުރި މި މަޝްރޫއުތައް އެ ކުންފުނިން ސަބްކޮންޓްރެކްޓް ކުރީ ކަން ވެސް މިނިސްޓަރު ފާހަގަކުރެއްވި އެވެ. އެގޮތަށް ހަވާލުކުރި މަޝްރޫއެއްގައި އެއްވެސް މަސައްކަތެއް ކުރިއަށް ނުދާ ކަމަށް މިނިސްޓަރު ވިދާޅުވި އެވެ.

"ފެނަކަ އާ ހަވާލު ކޮށްފައި ހުރި މަސައްކަތްތައް މި ވަނީ އެއްކޮށް ހުއްޓިފައި." މުއްތަލިބް ވިދާޅުވި އެވެ.

އޭނާ ވިދާޅުވީ މި ސަރުކާރުން މިހާރު އެ ހުރިހާ ކޮންޓްރެކްޓެއް ބާތިލް ކޮށްފައިވާ ކަމަށެވެ.

އެމްޑަބްލިއުއެސްސީ ކުންފުނި މެދުވެރިކޮށް ސާވޭތައް ހަދައި އަގު ހޯދާފައިވާ ކަމަށާއި އަދި އެ ކުންފުންޏާ މަސައްކަތް ހަވާލު ކުރުމަށް ޓެންޑާ އަށް ހުށަހަޅާފައިވާ ކަމަށް ވެސް މުއްތަލިބް ވިދާޅުވި އެވެ.

ރައްޔިތުންގެ މަޖިލިސް ފެނަކަ ކޯޕަރޭޝަން ޑރ. އަބްދުﷲ މުއްތޮލިބް (މިނިސްޓަރު) ކޮންސްޓްރަކްޝަން މިނިސްޓްރީ

5 ކޮމެންޓް, 0 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހުސެއިން ޝާމް

15 July 2024

ތިބޭފުޅުން އޮނިގަނޑު ބަދަލު ކުރން ބޭނުމިއްޔާ ޖެހޭނީ ރައްޔިތުންގެ މަޖިލީހުގެ ސަމާލު ކަމަށް އެކަން ގެންނަން.އެއިރުން ޤާނޫނު ހަދާ މަޖިލީހުން ރައީސުލް ޖުމުހޫރިއްޔާއަށް ބާރުދޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

15 July 2024

ތިވަރުގެ ކުންފުންޏަކަށް ކިހިނެއްތޯ ކުޅުދުއްފުށި، ތިނަދޫ، ފުވައްމުލައް އަދި އައްޑޫސިޓީ ފަދަ ރާއްޖޭގެ އާބާދީ ބޮޑެތި ރަށްތަކަށް ކަރަންޓާއި ސާފު ބޯފެނާއި ނަރުދަމާގެ ހިދުމަތް ދެވޭނީ!؟ ފެނަކައަށް މިކަން ނުކުރެވޭނެ ކަން އިގޭއިރު ކީއްވެގެންތޯ މިދެންނެވި ސިޓީތަކުގެ ކަރަންޓްގެ ހިދުމަތް STELCO އަށް އަދި ސާފުބޯފެނާއި ނަރުދަމާގެ ހިދުމަތް MWSC ގެ ދަށަށް ގެނައުމަށް ސަރުކާރުން ބޭނުންނުވަނީ!؟ ފެނަކައިގެސަބަބުބް މިރަށްތަކުގެ ރައްޔިތުންނަށް އެތައްގެއްލުން އެބަލިބޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

15 July 2024

ސްޓެލްކޯގެ ފަރާތުން މިކަމަށް ޝައުޤުވެރިކަން ހުރިކަމަށް އެތަނުގެ އިސްވެރިންގެ ފަރާތުން (ބޯޑު މެންބަރުންނާއި ބައެއް ޑިޕާޓްމަންޓްގެ ވެރިން) އަޑު އިވުނު. # އެހެން ނަމަވެސް މިކަމަށް ފުރުސަތު ނުދިނުމަށް ފެނަކައިން ދައްކާ އުޒުރަކީ އައްޑޫ ތިނަދޫ ފަދަ ފެނަކައަށް ހަމައެކަނި ފައިދާ ވާތަންތަން ދޫކޮށފިނަމަ "ފެނަކަ ހިންގާނީ ކިހިނެއްހޭ" ބުނެ ކުރާ ސުވާލު. އެކަމަކު ދައުލަތުން ސަބްސިޑައިޒް ކޮށްގެން ފެނަކަ ހިންގާން ޖެހުކަމަށްވިޔަސް ދައުލަތަށް ފައިދާހުރީ މިގޮތް.