13 ޖުލައި 2024 - 15:08
އެސްޓީއޯއިން ފެށި ފުށް ފެކްޓްރީގެ މަސައްކަތް ކުރިއަށް ނުގެންދިއުމަށް އެ ކުންފުނީގެ ބޯޑުން ނިންމާފައިވާ ކަމަށް އެސްޓީއޯގެ މެނޭޖިން ޑިރެކްޓަރު ޝިމާދު އިބްރާހިމް ވިދާޅުވެއްޖެ އެވެ.
ރޭ ބޭއްވި އެސްޓީއޯގެ އަހަރީ އާއްމު ޖަލްސާގައި ހިއްސާދާރަކު ކުރެއްވި ސުވާލަކަށް ޖަވާބު ދެއްވަމުން ވިދާޅުވީ އޭރު ހެދި ފީސިބިލިޓީ އާއި މިހާރުގެ ފީސިބިލިޓީ ހެދިއިރު ކުރަން ހުރި ހަރަދުތަކާ އަޅާ ބަލާއިރު، އެހާ ދެކޮޅުޖެހޭ ކަމަކަށް ނުވާތީ އެ މަސައްކަތް ކުރިއަށް ނުގެންދަން ބޯޑުން ނިންމާފައިވާ ކަމަށެވެ.
ރާއްޖޭގައި ފުށް ފެކްޓްރީއެއް ހެދުމުގެ މަސައްކަތް އެސްޓީއޯއިން ކުރަން ފެށީ 2021 ވަނަ އަހަރު އެވެ. އެ މަސައްކަތަކީ ރާއްޖޭގައި ފުޑް ސެކިއުރިޓީ ހޯދައި ދިނުމުގެ ގޮތުން ފެށި މަސައްކަތެއް ކަމަށް އޭރު އެ ކުންފުނިން ބުންޏެވެ.
ރޭގެ އަހަރީ އާއްމު ޖަލްސާގައި ހިއްސާދާރެއްގެ ސުވާލަކަށް ޖަވާބު ދެއްވަމުން ޝިމްހާދު ވަނީ ނ. އަތޮޅުގެ އެކުޅިވަރު ރަށުގެ ބަދަލުގައި މާލެއިން ބޮޑު ބިމެއް ހޯދާފައިވާ ކަމަށް ވެސް ވިދާޅުވެފަ އެވެ. ޝިމްހާދު ވިދާޅުވީ މާކެޓުގައި އެ ބިން ވިއްކުމަށް ވުރެ ލިބުނު ބިމުގެ އަގު މާ ބޮޑުވާނެ ކަމަށެވެ.
އެކުޅިވަރަކީ ފުވައްމުލަކު އެއާޕޯޓު ތަރައްގީ ކުރުމުން، އޭގެ ބަދަލުގައި ސަރުކާރުން އެސްޓީއޯއަށް 2017 ވަނަ އަހަރުގެ ތެރޭގައި ދިން ރަށެކެވެ. ނަމަވެސް، އޭގެ ފަހުން އެ ރަށް ތަރައްގީކުރަން އެއްވެސް މަސައްކަތެއް ފެށިފައިނުވާއިރު، އެ ރަށް ވިއްކާލުމަށް ކުރި މަސައްކަތް ވެސް ވަނީ ނާކާމިޔާބުވެފަ އެވެ. އެގޮތުން، އެންމެ ފަހުން އެރަށް ވިއްކާލަން އެސްޓީއޯއިން އިއުލާނުކޮށްފައިވަނީ މިދިޔަ އަހަރުގެ ޖެނުއަރީ މަހު އެވެ.
އެސްޓީއޯގެ އަހަރީ އާއްމު ޖަލްސާގައި ޝިމްހާދު ވިދާޅުވީ އެ ކުންފުނިން މަސައްކަތް ކުރަމުން ދަނީ އާއްމުންނާއި ކުންފުންޏަށް އެންމެ ރަނގަޅު ވިޔަފާރީގެ ފުރުސަތުތައް ފަހިކުރުމަށް ކަމަށެވެ. އެގޮތުން މިހާރު އެ ކުންފުނިން ބަންކަރިންގެ މަސައްކަތްތައް އަންނަ މަހު ފެށުމަށް މަސައްކަތް ކުރަމުންދާ ކަމަށް ވިދާޅުވި އެވެ.
Copyright © 2025 Mihaaru · Terms and Conditions · Privacy Policy
ކޮމެންޓްތައް
ހިތަދޫ 2
14 July 2024
ފުޑް ސެކިއުރިޓީ ކަށަވަރު ވާގޮތެއް ނުވިސްނޭ ގޮދަން އެތެރެ ކޮއްގެން ނޫނީ ފެކްޓަރީ ނުހިންގޭނެ،، ފުށް ގެނައުމެކޭ ރޯ ގޮދަން ގެނައުމެކޭ ހަމަ ބޭރު ގައުމުތަކަށް ބަރޯސާ ވާން ޖެހޭނެ، ތަފާތަކީ އިތުރު ލާރި ބަނދުކޮށް ބިން ބަނދުކޮށް އިތުރު މަސައްކަތްތަކެއް ކުރަން ޖެހޭކަން.
ކަރަޕްޝަން
14 July 2024
އެސް.ޓި.އޯ އިން ރަށް ވިއްކަން އުޅުނީމަ ގަންނާނެ ބަޔަކު ނުވި،.. ހަމަ ތި ރަށް ޓޫރިޒަމް މިނިސްޓްރީން ވިއްކަން އުޅެފިއްޔާމު ގަންނަން ބޭނުންވާނެ މީހުން ވަރަށް ގިނަވާނެ. މިވާގޮތް ވިސްނާ ފިކުރު ކުރާ ބަޔަކަށް އެނގޭނެ.
އަހުމަދުބިންސުލައިމާން
13 July 2024
ފުއް ފެކްޓަރީ ރާއްޖޭގައި ހިންގައިގެން ފައިދާ ވާނީ ރާއްޖެއިން ރޯ މެޓީރިއަލް ލިބޭނަމަ. ލޭބާ މަސައްކަތަކީ ރާއްޖޭގަ އަގުބޮޑު މަސައްކަތެއް. މިއުޅެނީ މިފްކޯވެސް ދެކޮޅު ނުޖެހިގެން.
ބޭބެގެ ގަޅި އަޙުމަދު ބިން ސުލައިމާނަށް
14 July 2024
ދުނިޔޭގެ ތަރައްޤީ ވެފައި ހުރި އަދި ވަމުންދާ ޤައުމުތަކުގަވެސް ލޭބަރ ކޮސްޓް ބޮޑުވީމާ އެހެން ޤާއުމަކުން (ޗީޕް) މީހުން ގެނެސްގެން އެކަން ކުރަނީ. އެމެރިކާ އިނގިރޭސި ވިލާތް އޮސްޓްރޭލިއާގެ ފެކްޓްރީތައް ބަލާލަބަލަ. އެބައެއްގެ އެކަން ކުރުމުގެ ޤާބިލްކަން ނެތުމަކީ އެެހެން ކަންކަމާ އަޅުވާފަ ހުއްޓާލަންޖެހޭ ކަމެއްނޫން. ކުޜިގެ ތިޔަ ފެކްޓްރީ އަަޅާން އުޅުނީވެސް މޮޔައިންނެއްނޫން. . ރޯމެޓީރިއަލަކީ އެހެންޤާއުމުތަކުން ގެންނައެއްޗިހި އެ ނުހުންނަ ޤައުމުތަކުގައި.
ކެޕިޓަލް
14 July 2024
އެއީ ކެޕިޓަލް އިންޓެންސިވެް މަސައްކަތެއް.
ކުރި
13 July 2024
ގާބިލް ވެރިންނަށް އުފެއްދުން ތެރިކަން އިތުރުކޮށް ފިޔަފާރި ފުޅާކުރެވޭނީ. ނޫނީ މިހާރުވެސް ތިކުރާ ގޮތަށް އެސްޓީއޯ އިން ގަނެ ވިއްކާ ވިޔަފާރި ކުރުން ކުރިޔަށް ގެންދެވޭނީ. ލިބޭ ކުޑަ ލާރިކޮލުން އަމިއްލަ ވިޔަފާރި ވެރިޔާވެސް ކަންމަތީ ފިހާރަ ހުޅުވައި ގެން ގަނެވިއްކާ ވިޔަފާރި ކުރޭ. ކޮބާ ތަފާތަކީ؟