ގަތަރު ވޯލްޑް ކަޕް އޮފިޝަލް އަލް އަންސާރީ.-- ފޮޓޯ: އޭޕީ
16 އެޕްރީލް 2022 - 00:38
44 comments
ދޯހާ، ގަތަރު (އޭޕްރީލް 15) - ފީފާ ވޯލްޑް ކަޕްގެ 28 ދުވަހަށް ގަތަރުގެ ދީނާއި ގާނޫނުތައް ބަދަލު ނުކުރެވޭނެ ކަމަށް ގަތަރު މުބާރާތުގެ ސެކިއުރިޓީގެ އެންމެ އިސް ވެރިޔާ މޭޖާ ޖެނެރަލް އަބްދުލްއަޒީޒް އަބްދުالله އަލް އަންސާރީ ވިދާޅުވެއްޖެ އެވެ.
ގަތަރުގެ ނޭޝަނަލް ކައުންޓާ ޓެރަރިޒަމް ކޮމިޓީގެ ޗެއާމަންކަން ވެސް ކުރައްވާ އަލް އަންސާރީ މިފަދައިން ވިދާޅުވީ ގަތަރުގެ ވޯލްޑް ކަޕާ ގުޅުވައިގެން އެއްޖިންސުން ގުޅުން ހިންގާ މީހުންގެ (އެލްޖީބީޓީ ކޮމިއުނިޓީގެ) ހައްގުތައް ރައްކާތެރިކޮށް އެފަދަ ކޮމިއުނިޓީތަކަށް މަރުހަބާ ކިޔާ ތަނަކަށް ގަތަރު ވާން ޖެހޭނެ ކަމަށް ފީފާގެ ރައީސް ޖިއާނީ އިންފަންޓީނޯ ވިދާޅުވެފައި ވަނިކޮށެވެ.
އަލް އަންސާރީ ވިދާޅުވީ، އެލްޖީބީޓީ ޕްރޮމޯޓް ކުރާނީ އެކަން ބަލައިގަންނަ މުޖުތަމައެއްގައި ކަމަށާއި ގަތަރަށް އައިސް ގައުމުގެ ދީނާއި ސިޔާސަތުތަކާ ހިލާފު ކަންކަން އާއްމުކުރުމަކީ ބަލައިގަނެވޭނެ ކަމެއް ނޫން ކަމަށެވެ. އަދި ގަތަރުގައި ބާއްވާ 28 ދުވަހުގެ ވޯލްޑް ކަޕަށްޓަކައި ގައުމުގެ ދީން ބަދަލު ނުކުރެވޭނެ ކަމަށެވެ.
"މީހަކު އެލްޖީބީޓީ ކޮމިއުނީޓީ ޕްރޮމޯޓް ކުރަންޏާ ކުރަންވާނީ އެކަން ބަލައިގަންނަ މުޖުތަމައެއްގައި. އެންމެ 28 ދުވަހުގެ މުބާރާތަކަށް އަހަރެމެންގެ ދީނާއި ގާނޫނުތައް ބަދަލެއް ނުކުރެވޭނެ،" އަލް އަންސާރީ ވިދާޅުވި އެވެ.
"ޓިކެޓް ގަނެގެން ދަނޑަށް ވަންނާނީ ފުޓުބޯޅަ މެޗެއް ބަލަން. އެ މީހެއްގެ ސިޔާސީ ނުވަތަ އެނޫން ވެސް ކަންކަމާ މެދު ތިމާގެ ހިޔާލާއި ޝުއޫރު ފާޅުކުރާކަށް ނޫން. ސަޕޯޓަރަކު ދަނޑުގައި ރެއިންބޯ ދިދައެއް ނަގައިފިއްޔާ އަތުލެވޭނެ، އެއީ އެމީހެއްގެ ރައްކަލަކަށް. ދިދަ ނަގާ މީހަކަށް އަހަރެންނެއް ނޫން ހަމަލާ ދޭނީ، ކޮންމެ ދިމާލަކުން ވެސް ހަމަލާއެއް އަތުވެދާނެ."
މީގެ އިތުރުން އަލް އަންސާރީ ވިދާޅުވީ މުބާރާތް ބަލަން އެލްޖީބީޓީ ކޮމިއުނިޓީގެ މީހުނަށް ވެސް ގަތަރަށް ޒިޔާރަތް ކުރެވޭނެ ކަމަށެވެ. ނަމަވެސް އެ މީހުންގެ އަމިއްލަ ދިރިއުޅުމުގެ ވައްޓަފާޅީގައި ކުރާ ކަންކަން ގަތަރުގެ އާއްމު ތަންތަނުގައި ކުރަން ހުއްދަ ނުދެވޭނެ ކަމަށް ވެސް އަލް އަންސާރީ ވިދާޅުވެފައިވެ އެވެ.
"އަހަރެމެން މި އުޅެނީ ކުޅިވަރު މުބާރާތެއް އިންތިޒާމް ކުރަން. އިތުރު ކަންކަމުގެ ވާހަކަ ދެއްކުން އެހާ ބުއްދިވެރިއެއް ނޫން ހެން ހީވަނީ. މެޗު ބަލަން އައުމަކުން ގޯހެއް ނޫން، އެކަމަކު މި ގައުމުގެ ގާނޫނުތަކާ ހިލާފު ކަންކަން މި ގައުމުގައި އާއްމުކުރުމަކީ ގަތަރުގެ މުޖުތަމައަށް ކުރެވޭ ފުރައްސާރައެއް،" އޭނާ ވިދާޅުވި އެވެ.
މި އަހަރުގެ ފީފާ ވޯލްޑް ކަޕް ގަތަރުގައި އޮންނާނީ ނޮވެމްބަރު މަހުގެ 21 އިން ޑިސެމްބަރު 18 ގެ ނިޔަލަށެވެ. ގަތަރާ އެކު ޖުމްލަ 32 ޓީމު ވާދަކުރާ މި މުބާތާރް ކުރިޔަށްދާނީ ގަތަރުގެ ފަސް ސިޓީއެއްގެ އަށް ސްޓޭޑިއަމެއްގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަޖްވާ
17 April 2022
މިމީހުން ކުރެން އަހާބަ ރިސްވަތަށް ކިހާވަރެއް ޚަރަދު ކުރިންތޯ ވަރލްޑް ކަޕް އެ ގައުމުގަ ބާއްވަން! ރިސްވަތު ދިނުން އިސްލާމް ދީނުގަ އޯކޭ ތޯ؟ ކީކޭ ދެން ފަހެ އަޅެ ކިޔާނީ!
ހާއްސަ
17 April 2022
ޢިންފަންޓީނޯ...ކަލޯހާދަވަރަކަށް އެމީހުން ހިމާޔަތް ކުރަން ތިޔަ އުޅެނީ. އެގައުމަށްދާ ހުރިހާ މެހުމާނުންގެ ހިމާޔަތުގެ ވާހަކަ ނުދައްކާ. ތީގަ ގޯހެއް އެބަ އުޅޭކަން އެންމެންނައްވެސް މިހާރު ތިޔަ ސާފުކޮށްދެއްވީ. ގަތަރުގެ ރައްދު ވަރައް ސާފު. ޚޮންމެވެސް އެހެން ކަމަކާ އިންފަންޓީނޯ އުޅެން ފެންނަނީ.
ސަމާލު
16 April 2022
ގަދަ! ތިގޮތަށްހިފަހައްޓާލާ. އެބުނާހެން އެތަނަށްދަނީ ކުޅިވަރެއްބަލައިލަން. އެދުންފުއްދާކަށްނޫން. ލަވާނެހަޅޭކެއްލަވައި، ކުރާނެވަރަކަށް ސަޕޯޓުކޮށްފަ ގެޔަށްދިޔައިމަ އެނިމުނީ. ނުޖެހޭނެ ތުނބާތުންގުޅައި، ގަނޑުފިއްލާކުޅެ ދަނޑިޖަހާކަށް.. މިއީކިހައިދެރަކަމެއް. ތިފަދަ މީސްމީހުންގެނުފޫޒު މިރާއްޖެއަށް ނަމަނަމަ އަމާޒުވިޔަނުދޭތި.
ޖިންޕިންޒިން
16 April 2022
އެކަމަކު ޜިޝްވަތުދީގެން ވޯރލްޑް ކަޕް ބިޑް ކާމިޔާބުކުރުން އެއީ ދީނުގައޮތްގޮތްދޯ.
ރިއަލިޓީ ޗެކް
16 April 2022
މިހުރިހާ އަހަރުތަކުގައި ވޯލްޑްކަޕްތައް ބޭއްވީ ވަރަށް ތާހިރުކޮށްތޯ ބައްލަވާ. ފީފާގެ ކޮރަޕްޓް ލީޑަރުން ވޯލްޑްކަޕަ ބާއްވަމުން އައީ ހުޅަގުގެ ވިސްނުން ކުރިއަރުވާ ގައުމުތަކުގައި އެކަނި. މެދުއިރުމަތިއާއި، އެފްރިކާ ގިނަފަހަރު އޮންނަނީ އެކަހެރިކޮށްފައި. މިހާރު ޑިޖިޓަލް މީޑިޔާގެ ސަބަބުން، ދުނިޔެ ހުޅުވުމާއެކު އިންސާފުން ކަންތައްތައްކުރަން ޕްރެޝަރުއައިސް ގަތަރު ހޮވުނީމާ ނުނިދިގެން އެއުޅެނީ.
ޞޮލޭ
16 April 2022
ޢެހެންވީމަ އެހެން ބަޔަކު ކުރިން ކޮށްފަ އޮތިއްޔާ ދީނުގަ ރިޝްވަތު ހަރާމެއްނުވޭ؟
އަޝްރަފް
16 April 2022
ތިބުނާ އިންފަންޓިންޓިން އަކީ އަނެއްކާ އޭގެ މީހެއްތަ؟؟
މުލޭ
16 April 2022
އެހެންް ހީވަނީ.
މޯޑު123
16 April 2022
ދީންވެސް ކުޅޭކުޅިވަރަކަށް ހަދައިފި! ޙަމަ ބޭނުންގޮތެއް! ގަތަރަށް ދާ ސަޕޯޓަރުންނަށް ގައިމުވެސް ރާފޮދު ހިއްޕޭނެ އިންތިޒާމް އޮތީ ހަމަޖައްސާއިދީފަޔޯ! މީ ދީން ހިމާޔަތްކުރަން އުޅޭ މީހުންގެ ފެންވަރު! ޙަގީގަތަށް ބުނަންޔާ މިދުނިޔޭގަ ދީން އޭ ކިޔައިގެން އަނގަހުޅުވޭނެ އެއްވެސް ގައުމެއްނެތް!!! ހަމަ މިއަދުވެސް ބޭނުންވެއްޖެ ކަމެއްގައި ދީނަކަށް ނުބަލާނެ!! ޢެކަމު އަނގަހުޅުވާނީ ދީނޭކިޔައިގެން!!!
ލޮލީބޮލީ
16 April 2022
ހޫނ ތިޔަ އަސަރުކުރަނީ އެކަން މަނާކުރީމަ ފާޑު ވަރަށް ޖަހާ
ސެންޓޭ
16 April 2022
މޯޑު! ހާދަ ރިހަގޮތަކަށް ތިޔަ ވާހަކަ ދައްކަނީ. ވަސް ވެސް އެހާ ރަނގަޅު ތޯއްޗެއް
ބެންޓޭ
16 April 2022
ސެންޓޭމެންނަށް ވާނީ ތިހާކަންވާވަރު، ބުނާނެ އޮއްޓަރުހުރި އެޗެއްނެތްވިއްޔާ ދޯ؟ ދެންކޮންމެވެސް ރިހައެކޭ މުގުރިހައެކޭ ކިޔާ......
ޙެލޯލެލޯ
16 April 2022
ތިޔަބުނީ ހަމަތެދެއް. ދީނޭ ކިޔައިގެން އަނގަހުޅުވޭނެ ފެންވަރުގެ އެއްވެސް ގައުމެއް މިދުނިޔެއަކުނެތް! ޙަމަހުސް "ޑަބަލް ސްޓޭންޑަޑްސް".......މިސާލަކަށް ގަތަރުން މާދަންވެސް ބޮޑު އިންޓްރަސްޓް ރޭޓުގައި ލޯނެއްނަގަން ޖެހިއްޖެޔާ ކުއްލިއަކަށް ރިބާއެ ހަލާލުވީއެވެ! ޢަދި އަނގައަކުން ނާރާނެ، އެ ރިބާ އަކީ ހަމަ ހަލާލު އެއްޗެއްކަން ބުނެދޭން އެތަށް ހަމައެއް އަޅާނެ!
ކެނެޑީ
16 April 2022
ތެދުފުޅެއް ތެދުފުޅެއް ދީން ބަދަލުކޮށްގެންނުވާނެ އެކަމަކު ފުރިހަމަ މުސްލިމުންގެ ގޮތަކީ ބޭރުފުށުންނާއި އެތެރެފުށުންވެސް އިސްލާމްދީނުގަ އޮތްގޮތަށް އުޅުން. ޤަތަރު ވޯރލްޑް ކަޕުގެ ބިޑު ކާމިޔާބުކުރީ މޭޒުދަށުން 400 މިލިއަން ޑޮލަރު ދީގެންކަން އެތައް ރިޕޯޓެއްގަ އެބޮތް. ރިޝްވަތަކީ ވަގަށް ދިނީމަ ހަލާލު އެއްޗެއްތޯ…
ބޯހަލާކުސޮރު
16 April 2022
ކެނެޑީ ކައިރިއަށް ހާދަ ރުޅިއެއް ތިޔައައީ އެކަން މަނާކުރީމަ؟ ޢަނެއްކާ......
އ
16 April 2022
އެލްޖީބީ ހިންގާނީ ގޭގައި. ސުޓޭޑިއަމަކުނޫން. ވަރައް ސާފު. އެގިއްޖެއެއްނުން.
އެލްޖީޓީވީ
16 April 2022
އެއްވެސް ތަނެއްގައި ހިންގާނެ ކަމެއް ނެތް
ފަލްބެ
16 April 2022
މިވަރުން އިންޓަނޭޝަނަލް މުބާރަތްތައް ނުބާއްވާނީ.
މުލޭ
16 April 2022
މިއުޅެނީ ފުޓުބޯޅަ މުބާރާތެއް ބާއްވަން. އެބައެއްގެ ތެރޭގައި އުޅޭނީ އެބައެއްގެ ސަގާފަތަށް އިޙްތިރާމް ކޮށްގެން.
ށަވިޔަނި
16 April 2022
ފީފާއަކީވެސް ހުޅަނގުގެ ލަދުހަޔާ ކުޑަ މީނުނަށް ވިކިފަވާތަނެއް. ކުޅިވަރު ކުޅެން އަންނަ ބައެއްނަމަ ކުޅެފަދާނީ. ކުޅިވަރާ ގުޅުން ހުރިކަންކަމުގައި ވާހަދެއްކިއަސް ކުޅިބަލަން އަންނަމީހުންގެ ކަންކަން ހަމަޖައްސާނީ މޭޒްބާން ގައުމުން.