ކާޑު ލިމިޓް އުވާލުމުގެ މަސައްކަތް ދަނީ ކުރިއަށް: ރައީސް

ރައީސް އިއްޔެ ތުރުކީގައި ދިރިއުޅޭ ދިވެހިންނަށް ބައްދަލުކުރުމަށް ބޭއްވި ހަފުލާގެ ތެރެއިން: ކާޑްގެ މައްސަލަ ހައްލު ކުރަމުންދާ ކަމަށް ވިދާޅުވި

ނާޒިމް ހަސަން، މިހާރު

28 ނޮވެމްބަރ 2023 - 11:12

71 comments

ބޭންކް އޮފް މޯލްޑިވްސް (ބީއެމްއެލް) ގެ ކާޑުން ނެގޭ ޑޮލަރު ލިމިޓް އުވާލަން ރައީސް ޑރ. މުހައްމަދު މުއިއްޒު ވެވަޑައިގެންނެވި ވައުދު ފުރިހަމަކުރުމުގެ މަސައްކަތް ކުރިއަށްދާ ކަމަށް އެ މަނިކުފާނު ވިދާޅުވެއްޖެ އެވެ.

ތުރުކީއަށް މިހާރު ރައީސް ކުރައްވަމުން ގެންދަވާ ދަތުރުފުޅުގައި އެ ގައުމުގައި ދިރިއުޅޭ ދިވެހިންނާ އިއްޔެ ވަނީ ބައްދަލު ކުރައްވައިފަ އެވެ. އެ ބައްދަލުވުމުގައި ބައިވެރިވި ދިވެހިން ވެސް ވަނީ ކާޑު ލިމިޓްގެ ސަބަބުން ދިމާވާ ދަތިތައް ރައީސްއާ ހިއްސާކުރައްވައި އެ މައްސަލަ ހައްލުކޮށްދިނުމަށް އެދިފަ އެވެ.

ބައްދަލުވުމުގައި ރައީސް ވިދާޅުވީ ބީއެމްއެލް އިން މިހާރު ކަނޑައަޅާފައިވާ މިންގަނޑަށް ހައްލެއް ހޯދަން މަސައްކަތް ކުރައްވަމުން އަންނަ ކަމަށެވެ.

ރިޔާސީ ކެމްޕެއިންގައި އޭރުގެ އިދިކޮޅުގެ ކެންޑިޑޭޓް މުއިއްޒު ވިދާޅުވެފައިވަނީ ކާޑުގައި ޑޮލަރު ލިމިޓެއް ކަނޑައަޅާފައި އޮތުމުން އެތައް ބަޔަކަށް ގިނަ ދަތިތަކެއް ކުރިމަތިވާ ކަމަށެވެ. އެހެންވެ އެ ލިމިޓް އޭނާގެ ވެރިކަމެއްގައި އުވާލާނެ ކަމަށް ވިދާޅުވި އެވެ.

ނަމަވެސް، އެކަން ކުރާނީ މަރުހަލާތަކެއްގެ ތެރެއިން ކަމަށާއި ފުރަތަމަ ތިން މަހު ލިމިޓް ޑަބަލްކުރުމަށް ފަހު، ދެން އެއްކޮށް ލިމިޓް އުވާލާނީ ކަމަށް އޭރު ވިދާޅުވި އެވެ. ރައީސް ވިދާޅުވި ގޮތުގައި އެކަން ކުރާނީ ރާއްޖޭގައި ޑޮލަރު ދައުރުވާ މިންވަރު އިތުރުކޮށްގެންނެވެ.

މީގެއިތުރުން ތުރުކީގައި ރާއްޖޭގެ އެމްބަސީއެއް ނެތުމުން ދިމާވާ ދަތިތައް ވެސް ބައްދަލުވުމުގައި ބައިވެރިވި ދިވެހިން ވަނީ ހުށަހަޅައިފަ އެވެ. އެކަމާ ގުޅިގެން ރައީސް ވިދާޅުވީ ރާއްޖޭގެ އެމްބަސީއެއް ތުރުކީގައި ހުޅުވަން ކުރަންޖެހޭ މަސައްކަތްތައް ކުރުމަށް އަންނަ ކަމަށެވެ.

ރައީސްގެ ދަތުރުފުޅުގައި ތުރުކީގެ ރައީސް ރަޖަބް ތައްޔިބް އުރުދުޣާންއާ ބައްދަލުކުރައްވައި ވިޔަފާރީގެ އެއްބަސްވުމެއްގައި ވަނީ ސޮއިކުރައްވައިފަ އެވެ. އަދި ދެ ގައުމުގެ ގުޅުން އިތުރަށް ބަދަހިކުރުމާ މެދު މަޝްވަރާތައް ކުރެއްވި އެވެ.

ރާއްޖެ-ތުރުކީ ރައީސް ޑރ. މުހައްމަދު މުއިއްޒު ތުރުކީ

71 ކޮމެންޓް, 23 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކިނާރީ

05 December 2023

ކާބޯތަކެތީގެ އަގު ކުޑަކުރެވޭނެ ފަދަ ގޮތެއް ހޯދަވައިދެއްވާނެ ކަމަށް އުއްމީދު ކުރެވޭ. އަސާސީ ކެއުމާ ބުއިމަށް ބޭނުވާތަކެތިއާއްމު ރައްޔިތުން ނަށް ލިބެން ހުންނަ މިންވަރު ބޮޑުވާނެ . ބޮޑު މުސާރަ އަކާ، ފައިސާ ލިބި ފުދުންތެރި ކަމުގަ ދިރިއުޅޭމީހުންގެ ހިސާބުގަ ލިބެން ހުންނަ ނަމަ އާއްމު މީހާ އަށް އުފުލަން ޖެހޭތަކްލީފެއް .

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފާއިޒް

28 November 2023

ތުރުކީ އެމްބަސީ ކަންތައް ވީހާވެސް އަވަހަށް ހައްލު ކޮށްދެއްވަޗޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަހުދު.

28 November 2023

ތޭންކިޔޫ ރައީސް މުއީޒް ކާޑް ލިމިޓް އުވާލުން އެއީ ވަރަށް ރަނގަޅުކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލުބާހް

28 November 2023

ރައީސް ވައުދާ އެއްގޮތަށް ކާޑްގެ ލިމިޓް އުވާލުނއ އަހަރުމެން ޒުވާނުންނަށް ލިބޭނެ ވަރަށް ލުއިފަސޭހައެއް. އެކަން ކޮށްދެއްވައްޗޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޓްރޭޑަރ

28 November 2023

އަދި މީގެ އިތުރުން ބޭރުގެ އީވޮލެޓްތަކަށް ލާރި އެޅުން ބުލޮކް ކޮށްފައި އޮތް އޮތުން އުވާލަންޖެހޭ. ހަމަ ގައިމުވެސް އެއީ ރާއްޖެއަށް ޑޮލަރު ވަންނާނެ މަގެެއް. ޔަގީނުންވެސް އާންމު ރައްޔިތުމީހާއަށް އެކަމުން ފައިދާކުރާނެކަމެއް. މުއިއްޒުގެ ވައުދެއް އީވޮލެޓްތައް ބޭނުންކުރެވޭ ގޮތް ހެދުމަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަނީނު

29 November 2023

ކަލޯ %95 މީހުންނަށް ގެއްލުން ވަނީ. މުސާރަ އެއްކޮށް ޖަމާކުރަމުން ދާތާ 3،4 އަހަރު ވެފައި ތިބި އެތައްބަޔަކު އެބަތިބި. ލާރި ހެދޭ ބަޔަކަށް ވަރަށް މުހިންމު ކަމެއްތީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޔަރެސް

28 November 2023

‫ކާޑު ބޭނުންކުރީމަ ބޭންކުން ފާޑެއްގެ ޗާޖްތަކެއްލާފަ ޑޮލަރަކަށް 17 ވަރަކަށް ރުފިޔާ ޖައްސާލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިންތު

28 November 2023

ރައީސް މެލޭސިޔާއަށްވެސް ދުރުވެ މިތާތިބި ދިވެހިންގެ ދަތިތަކަށް ލުޔެއްހޯއްދަވައި ދެއްވަން އުޅެދެއްވުމަށް ވަރަށް އަދަބުވެރިކަމާއި އެކު ދަންނަވަން. ރައީސް މުއިއްޒުގެ ފުށުން ވަރަށް އުންމީދީ މަންޒަރު އެބަފެނޭ. ހަގީގަތަށް ވާން ފެށީމަ އަދި ރައްޔިތުން މާ އުފާވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވެދުން

28 November 2023

ވައުދުވެ އެ ނުފުއްދި ދިގުލާ އެހެންވީމަ ރައްޔިތުން އެވާހަކަ ދައްކާނެ. އަދި އަމުދުން ރައްޔިތުންނާ ގުޅޭ މިކަހަ ބޮޑެތި ކަންތަކުގަ. އުންމީދު ކުރަން ޑޮލަރުގެ މިންގަނދު ފުރަތަމައިނުން އުވާނުލެވުނަސް 250 ން, 500 ވަރަށް މަތި ކޮށްދެއްވާނެކަމަށް. ވަރަށް ޗެލެންޖިންގ ކަމެއްހެން ހީވާތީ ހަމަ ލިޔެލެވުނީ. އެކަމާ ސަރުކާރު އުޅުއްވުމަކީ ވަރަށްގިނަ ރައްޔިތުން ވަރަށްބޮދު އެދުމެއް. ވަރައްވެދުން ރައީސް މުއިއްޒަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަލަމަންނަ

28 November 2023

ޑރ މުއިއްޒު އަށް މިކަން ވާނެ މަނިކުފާނު މިކަން ކޮއްދެއްވައިފި ނަމަ އަޅުގަނޑުމެން ވަރަށް އުފާވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މާވަހަރޭ

28 November 2023

މިކަމަކީ އިންތިހާއަށް ރައްޔިތުން އަށް ބޭނުން ޖެހިފައިވާ ކަމެއް މިކަން ރައީސް ޑރ މުއިއްޒު ކަޮއްފި ނަމަ އެމަނިކުފާނު އަށް ރައްޔިތުންގެ އިތުރު ތާއީދާ ލޯބި ލިބިގެން ދާނެ