އާރްޑީސީގެ އޮފީހަށް އިއްޔެ ފުލުހުން ވަދެ ހިންގި އޮޕަރޭޝަންގެ ތެރެއިން: ބަނގުރަލާ އެކު މެނޭޖަރަކު ވަނީ ހައްޔަރުކޮށްފައި - ފޮޓޯ: ނިޝާން އަލީ / މިހާރު
15 ނޮވެމްބަރ 2023 - 11:07
12 comments
އާރްޑީސީގެ މެނޭޖަރަކު މަސްތުވާތަކެއްޗާއި ރަލާ އެކު ރޭ ހައްޔަރުކޮށްފި އެވެ.
"މިހާރު" އަށް އެނގިފައިވާ ގޮތުގައި އާރްޑީސީގެ 13 މިލިއަން ރުފިޔާގެ ޚިޔާނާތަށް ތުހުމަތުކުރެވޭ މައްސަލައިގެ ތަހުގީގަށް އިއްޔެ އާރްޑީސީގެ އޮފީހަށް ފުލުހުން ވަދެ ފާސްކުރި އިރު ރޭގެ ވަގުތެއްގައި އެތަނުގެ މެނޭޖަރެއްގެ ގެޔަށް ވެސް ވަނީ ވަދެފަ އެވެ.
އޭނާ އުޅޭ ތަން ފާސްކުރި އިރު ބަނގުރާ ހުސްކުރި ފުޅި އާއި މަސްތުވާ އެހެން ބާވަތެއް ވެސް ފެނިފައިވާ ކަމަށް ވަނީ އެނގިފަ އެވެ. މިކަމާ ގުޅޭ ގޮތުން ފުލުހުންގެ ބަހެއް އަދި ނުލިބެ އެވެ.
އާރްޑީސީގެ އޮފީހަށް ފުލުހުން އިއްޔެ ހެނދުނު ވަދެ ރޭ ވަރަށް ލަސްވަންދެން ވެސް އުޅުނެވެ. ފުލުހުން ދިޔައީ އެތަނުން ގިނަ އަދަދެއްގެ ލިޔެކިޔުންތައް ހިފައިގެންނެވެ.
އާރުޑީސީގެ ބައެއް މުވައްޒަފުންގެ އަމިއްލަ އެކައުންޓުތަކަށް 2019 އިން ފެށިގެން ގިނަ އަދަދެއްގެ ފައިސާ ވަދެފައިވާ ވާތީ އެމްއެމްއޭގެ ފައިނޭންޝަން އިންޓެލިޖެންސުން ފުލުހުންގެ ސަމާލުކަމަށް ގެނައުމުން ތަހުގީގު ފެށުމާ އެކު ބުނެފައި ވަނީ އެއީ ޕެޓީ ކޭޝް ފައިސާ ކަމަށާއި އުސޫލާ ހިލާފަށް އެއްވެސް ކަމެއް ކޮށްފައި ނުވާނެ ކަމަށެވެ.
ފުލުހުންގެ އޮޕަރޭޝަނާ ގުޅޭގޮތުން، އެމްޑީޕީގެ ގައުމީ މަޖިލީހުގެ ވަޓްސްއެޕް ގްރޫޕުގައި، އާރުޑީސީގެ މެނޭޖިން ޑިރެކްޓަރު މޫސާ އަލި މަނިކު (މޫކޭ) ވިދާޅުވީ އެއްވެސް ކަމެއް ނުވާ ކަމަށާއި އެ އޮފީހަށް ފުލުހުން ވަނީ "ހެޑްލައިން ހަދަން" ކަމަށެވެ. އަދި އޭނާ ވަނީ ޕޮލިސް ކޮމިޝަނަރު މުހައްމަދު ހަމީދަށް ފާޑު ވިދާޅުވެފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ސީނު50
16 November 2023
ޕެޓީ ފައިސާ ކީއްވެ މީހުންގެ އެކައުންޓްތަކައް ބޮޑަތި އަދަދުން ދިޔައީ؟ 13މިލިއަންވެސް ޕެޓީ ކޭޝް އޭބުނޭދެން ތިވަގުމީހާ. ލޮލް.
2023
15 November 2023
މިސަރުކާރު ވެއްޓުމުގެ އަސްލަކީވެސް އާރުޑީސީ ކަހަލަ ތަންތަން...... ބޮއިހަލަކި
އަދުރޭމީ
15 November 2023
މިހާރު ހަމީދު ގޯސްވީދޯ.. ބަލަ އެއީވެސް ކަލޭމެންގެ މިޙެއްނުން.. އޭނާއަށްވެސް ކެތް ކުރެވޭނީ ވަކި ވަރަކަށް ދޯ.. ބަަލަ ހުސައިން ނަދީމްވެސް ފިލަ ފިލައިގެން ފުއްޕާލާފަ އުޅުންވަރު..އަހަރެން ވަޒީފާ ގަނޑެއް ދޭށޭ ބުނީމާ ބުނީ ކަލެއަކަށް ވަޒީފާ އަދައެއް ނުކުރެވޭނެއޭ.. މިހާރު އެއޮތީ ނޫހުގައި ފޯޓޯ ޖަހާފައި.. މީހަކު ދަށްކޮއްލައިފައި ތިމާއަށް މޮޅެއް ނުލިބޭނެ.. ވައްކަންކޮއްފައި އޮތީޔާ ހައްގު އަދަބު ލިބޭނެ.. އުޅުނު ގޮތުންވެސް ހީވިއޭ
ބަލަންތިބޭ
15 November 2023
މިލިއަނުން މިލިއަނުން ދަވާލީމާވެސް ހަމަ "ހެޑްލައިން ހަދަން"
އާކްސް
15 November 2023
މިއޮތީ ވާ ސަރުކާރެއް ކަލޯނޭ.
އަނދުން ހުސޭނު
15 November 2023
ވަޑި މޫކޭއާ ހެދި އެމްޑީޕީ ސަރުކާރު ލަދުން މި އުޅެނީ. މިކަހަލަ މީހުން އެމްޑީޕީން ބޭރު ކުރަން ޖެހޭނެ
ސީތާ
15 November 2023
ނަމެއްވެސް ނެތް މެނޭޖަރެއްތަ؟ ނޫނީ ނަން ޖަހަން ބިރުގަތީތަ؟؟ މުޅިޤައުމު ހަލާކުގެ ތެރެއަށް ވައްޓާލިއެއްޗަކީ ތިޔައީ
ތަރުޖުމާނީ
15 November 2023
ސާމާނާއެކު ވެއްޖިއްޔާ އޮންނާނީ ޑަބަލް ޕްރޮމޯޝަން.
ތުނިޔަ
15 November 2023
އަދި kiriyaa ސިޔާސީ ގޮތުން ޝަރުތު ހަމަތިވީ! ކުރިއަށް އޮތް މަޖްލިސް އިންތިޚާބުގަ ވާދަކޮށްލުމުގެ ޝަރުތުވެސް ސައްތައިން މަތީގަ ތިހިރީ.
މަހާރަދުން
15 November 2023
ބަތް ތެލި ހިނޑީ ތެލިވެސް ފޫދިޔައީ!! މޫކޭ ގެ އަންޑިވެސް މިހާރު އުނުގަ ހަރުނުލާ!!!