ކައިޒީން: އޭނާގެ އުފަންދުވަސް ކޮންމެ އަހަރަކު ވެސް ކުލަގަދަކޮށް ފާހަގަ ކުރޭ.
29 މާޗް 2023 - 15:35
67 comments
ރާއްޖޭގެ މަޝްހޫރު މޮޑެލް ފާތިމަތު ޒަޔާން (ކައިޒިން) ގެ އުފަންދުވަސް ފާހަގަކުރަން މާލޭގައި މިރޭ ހަވާ އަރުވަން ނިންމައިފި އެވެ. އޭނާގެ އުފަންދުވަހަކީ މާދަމާ އެވެ.
އެމްއެންޑީއެފުން ބުނީ، މިރޭ ދަންވަރު 12 ޖަހާއިރު ހަވާ އަރުވާނީ އުސްފަސްގަނޑާ ދިމާލުން ބޭރު ކަނޑުގެ ސަރަހައްދުގައި ކަމަށެވެ. ހަވާ އަރުވާނީ ސިފައިން ބުނިގޮތުގައި ހަ މިނިޓަށެވެ.
"މިއީ ވިޔަފާރި އުސޫލުން ޕްރައިވެޓް އިވެންޓަކަށް ސިފައިންގެ ކޯޕަރޭޓިވް (ސިފްކޯ) އިން ކުރިޔަށް ގެންދާ ހަރަކާތެކެެވެ،" އެމްއެންޑީއެފުން ކުރި ޓުވީޓެއްގައި ވެ އެވެ.
ދިވެހިންގެ ބޭނުމަކަށް ނަމަ ހަވާއަރުވައި ދެނީ ކޮންމެ މިނިޓަކަށް 600 ޑޮލަރާއި 1،000 ޑޮލަރާ ދެމެދުގެ އަގުތަކެއްގަ އެވެ. އާންމުކޮށް ހަވާ އަރުވަން ކޮންމެ މިނިޓަކަށް 800 ޑޮލަރު ހޭދަކުރެ އެވެ.
އެ ރޭޓުން ބަލައިފި ނަމަ ކައިޒިންގެ އުފަންދުވަސް ފާހަގަކުރުމަށް ބާއްވާ ހަވާ އެރުވުމަށް 75،000ރ. ހަރަދު ވެ އެވެ.
ދިވެހިންގެ ބޭނުމަށް ނަމަ ހަވާ އަރުވަން ހަރަދުވާ ފައިސާ ނަގަނީ ރުފިޔާ އިންނެވެ.
ސޯޝަލް މީޑިއާގައި އެންމެ ކުރީގައި އުޅޭ އެންމެ ވަރުގަދަ އެއް އިންފުލެއެންސަރު، ކައިޒީން މިދިޔަ ދެ އަހަރު ވެސް އުފަން ދުވަސް ފާހަގަކުރީ ރާއްޖެ އިން ބޭރުގަ އެވެ.
މިދިޔަ އަހަރު އޭނާގެ އުފަން ދުވަސް ފާހަގަކުރީ އިންޑިއާގެ ތާޖް މަހަލްގަ އެވެ. އޭގެ ކުރީ އަހަރު ދުބާއީގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ތައްތީ
01 April 2023
އެހާވަރަށް ލާރި ހުރީޔާ ހަވާ ކީއްކުރަން އެކާވީސް ބަޑީގެ ސަލާމެއްވެސް އަރުވަންވީ. އެމަންޖެގެ އުފަންދުވަހު އެމަންޖެގެ އަމިއްލަ ފައިސާއިން އެމަންޖެ ބޭނުން ކަމެއް ކުރުމަކުން މައްސަލައެއް ނެތް. އުފާވެރި އުފަން ދުވަހެއް ޒަޔާން
އަންދަލޫސިޔާ
30 March 2023
ކައި އެ ޚަރަދުކުރަނީ އަމިއްލަ ފައިސާ. ދައުލަތުގެ ފައިސާއިން ޚަރަދުކޮށްގެން އަމިއްލަ ގެ 18 ބުރިއަށް ނަގާފަ އަމިއްލަ އެކައުންޓަށް 800 މިލިޔަން ރުފިޔާ 5 އަހަރުން އިތުރުކުރި މީހާއަށް ވެސް 96،000 މީހުން ވޯޓްލީ. ކައި ރީތިވީމަ ޖޭވާ މީހުން ގިނައީ. ކޮންމެހެން އިސްރާފްކުރާތީއެއް ނޫން. ކޮންމެ ފިރިހެނަކު ވެސް ކައި ބޭނުން.
އައިމިނާ
30 March 2023
ތިޔަ ފައިސާ ނިކަމެތިންނަށް ސަދަގާތް ކުރުމުން އެކަމުގެ އަޖުރު ލިބޭނެ ދޯ.
އެންޓި
30 March 2023
ދެއްކުންތެރިކަން
މަނާން
30 March 2023
ރީތީ ރީތި ކައިޒީ
ކައިގެ ޕޮރޮޑަކުޝަން މެނޭޖަރު
30 March 2023
ކައިގެ ހަވާ އެރުވީ ސުން ގަޑި އަށް ވުރެ ޑިލޭ އެއް ވެގެން ކަމުން ލާރި ކޮޅު ވެސް އަނބުރާ ވަނީ ނަޞީބުން ސަލާމަތް ވެފައެވެ.
ބަބޫ
30 March 2023
ލާރި ހޯދާ ގޮތެއް އެބަ ޖެހޭ އިގެން. އަހަރެމެން އެކަުންޓަށް 50000 ޖަމާވިޔަސް އެ ކޮން ފައިދާއެއްތޯ ބަލަން ބޭންކުން އެބަ ގުޅާ. ކައި އަށް ލިބޭ ލާރިވެސް އެބަ ޖެހޭ ބެލެން
ކައިޒް
30 March 2023
ކިހިނެއް ނުބަލާ ކަމެއް އެނގެނީ؟ ކޮންމެހެން ބަބޫ އަކަށް ނުޖެހޭނެ އެނގޭކަށް.
ދޮންކަބިލި
30 March 2023
އަނެކާއަށް އެއްޗެއްލިބޭތީ އެކަމާ ހަސަދަވާމީހުންވެސް އުޅޭ! މަށަށްނުލިބި އޭނައަށްލިބޭތީ މަވަރަށް ކަޑަވޭ!
ދޮންކަބިލި
30 March 2023
ވަޓުސް ރޯންގު ވިތު މޯލްޑިވުސް ޕީޕަލް..!!
ކައި ހެވަޓްޒް
30 March 2023
ހެޕީ ބާރތްޑޭ ކައި. ހޭވް އަ ބްލާސްޓް...
ލޯބި
30 March 2023
މީނާގެ އުފަންދުވަސް ކޮންމެ މަހަކުވެސް އަންނަ ނަމަ ދޯ. އަތޮޅުތެރެއަށް އުފަންދުވަސް ފާހަގަކޮށްލަން އާދެބަލަ